Златан Ибрахимовиќ синоќа промаши пенал на домашен терен против Верона, а потоа го постигна израмнувачкиот погодок за 2:2. Иако со голот го спаси тимот од пораз, најмногу се зборува за промашениот пенал.
Тоа беше трет последователен промашен пенал за Ибрахимовиќ кој веднаш по натпреварот побрза пред камерите на Sky Sport да даде свој коментар.
„Следниот ќе му го дадам на Франк Кеси“, рече Ибрахимовиќ веднаш штом се појави пред камерата, со што даде до знаење дека е исто така свесен дека мора ја да прекине низата лошо изведени пенали, па додаде:
„Секако дека сум лут, ремизиравме и тоа не е доволно. Имавме многу шанси, а јас промашив пенал. Примивме два гола и постигнавме два, продолжуваме понатаму, важно е да не ја изгубиме самодовербата. Кога ќе погледнеме на табелата, сакаме да победиме на секој натпревар“.
Кога дојде на ред да го коментира пеналот, новинарите му укажаа дека во преносот се слушнало како голманот на Верона, Марко Силвестри, му рекол: „Го промаши последниот пенал, нели?“
„Не згрешил, го промашив последниот“, рече Златан, се насмеа и продолжи:
"Играме многу натпревари поради околностите и тогаш кога ќе се изморите веќе не сте на 100%. За среќа, има пауза за репрезентациите затоа што ми треба пауза. Немам решителност и сѐ друго што ми треба пред голот, едноставно не се чувствувам како што треба".
Ибрахимовиќ оваа недела објави фотографија со дресот на шведската репрезентација на својот Instagram и ги возбуди фановите. Многумина помислија дека се враќа.
„Не, не се враќам, само сакав да ги изнервирам луѓето во Шведска“, рече Ибрахимовиќ и повторно се насмеа и додаде:
„Тренерот може да ми каже дека ќе играм само 45 минути и ќе играм така, јас сум професионалец. Јас секогаш велам ‘да’. Се сеќавам колку беше тешко во Манчестер да се регенерирам по натпреварите во четврток. По повредата што можеше да биде крај за мене, се чувствував како млад дечко кога се вратив на теренот. Обожавам да играм фудбал“.
Новинарите го прашаа Ибрахимовиќ дали смета дека не успеал затоа што никогаш не ја добил Златната топка или некоја друга голема индивидуална награда за најдобар фудбалер.
„Не, трофеите се убави, но не ми треба тоа за да се чувствувам добро. Играм, правам сè за да бидам и јас, и соиграчите најдобри што можеме и тоа е тоа“, рече Ибрахимовиќ и низ смеа одговори дали ќе го продолжи договорот со Милан и по оваа сезона:
„По ова денеска... Можеби работите сега и не изгледаат баш најдобро.“