Јапонскиот производител Toyota го претстави малиот градски електричен автомобил C+pod, кој е пократок од 2,5 метри.
Акио Тојода можеби не е за забрзан пат кон електрична мобилност, но како претседател на еден од најголемите светски производители на автомобили, тој е свесен за потребата неговата компанија да остане конкурентна на пазарот.
Toyota C+pod припаѓа на сегментот на микроавтомобили кои се широко користени во Јапонија како превозно средство во пренатрупаните урбани средини. Со нив лесно се маневрира во урбаната џунгла и низ тесни улички, а зафаќаат многу малку простор за паркирање.
Со должина од 2.490 мм, ширина од само 1.290 мм и висина од 1.550 мм, C+pod е помал од електричниот Smart ForTwo EQ.
Надворешните панели се изработени од пластика, со цел да се заштеди на тежина, па затоа автомобилот тежи само 690 килограми и покрај погонските батерии.
C+pod е дизајниран за најмногу двајца патници, а просторот за багаж зад седиштата е доволен да ги оставите купените намирници од супермаркет.
Автомобилот користи електричен мотор од 12,3 КС (9,2 kW) и максимален вртежен момент од 56 Nm, а електричната енергија се складира во батерија со капацитет од 9,06 kWh.
Toyota наведува дека автомобилот може да помине до 150 километри со полна батерија, а максималната брзина е 60 километри на час.
Почетната цена на јапонскиот пазар е 1.650.000 јени, или околу 13.000 евра.
За да ја погледнете Toyota C+pod од сите агли, КЛИКНЕТЕ КОН ГАЛЕРИЈАТА.