Совршен рецепт за едноставен колач со цреши, за освежување во летните денови.
Потребни состојки:
-250 г исчистени цреши
-1 чаша јогурт
-2 јајца
-половина чаша шеќер
-половина чаша масло
-2 чаши брашно
-2 лажички прашок за пециво
Малку брашно и масло за калапот
Начин на подготовка:
Калапот за печење премачкајте го со масло и посипете брашно. Рерната загрејте ја на 180 степени.
Во сад измешајте го просеаното брашно со прашокот за пециво. Во друг сад мешајте ги јајцата и шеќерот околу 5 минути, додека смесата не стане густа и не добие светложолта боја.
Потоа додадете масло и мешајте на најмала брзина. Во садот потоа додадете го јогуртот и мешајте.
На крајот додадете го просеаното брашно со пециво, па исчистените цреши и добро соединете ја смесата.
Налејте ја во калапот и печете меѓу 30 и 40 минути на 180 степени. Колачот е готов кога ќе добие темно златно жолта боја и кога ќе се одвои од калапот.
Извадете го колачот од рерна, а кога ќе се олади украсете го со шеќер во прав.
