Во овој колач лесно ќе уживате, а добро оди и низ шолја кафе, особено ако го пиете без шеќер.
Веќе знаете дека колачите со јаболка брзо се подготвуваат и дека не постои торта со ова овошје што не е вкусна. А, пак доколку јаболката се слатки, нема да ви треба ни шеќер. За рецептот подолу ви требаат само 5 состојки, а вкусот ќе ве воодушеви.
Потребни состојки:
- 300 гр урда
- прстофат сол
- 1 јајце
- 2 јаболка
- 4 лажици брашно
Подготовка:
Урдата издробете ја со вилушка, а потоа додадете малку сол и едно јајце. Измешајте и додадете брашно. Плехот покријте го со хартија за печење, па истурете ја смесата и израмнете ја. Јаболката исчистете ги и исечкајте ги на коцки. Наредете ги над смесата. Се пече во загреана рерна на 180 степени Целзиусови околу 35-40 минути. По желба посипете со цимет пред сервирање.
Доколку набавувате јаболка од проверен одгледувач кој не ги прска со хемикалии, можете да ги употребите без да ги лупите. Во спротивно, пожелно е да ги излупите.