Одличен летен десерт за освежување.
Потребни состојки за тесто:
-500 г брашно
-1 лажичка сол
-2 ванилин шеќер
-1 дл масло
-1 лажица оцет
-3,5 дл топла вода
Фил:
-1 кг исчистени сливи
-5 лажици шеќер
-3 ванилин шеќер
-10 г цимет
-100 г темно чоколадо
И уште:
-200 г брашно
-малку масло
-шеќер во прав
Начин на подготовка:
Измешајте ги сувите состојки, па додадете ги течните и замесете тесто. Ставете го во сад посипен со брашно и одозгора премачкајте го тестото со масло. Покријте со крпа и оставете го да одмори 30 до 45 минути.
Додека чекате тестото да одмори, направете го филот така што сливите ќе ги исечете на тенки ленти, па ќе ги измешате со шеќерот, ванилин шеќер и цимет. Откако тестот ќе отстои, поделете го на четири дела, исто и филот. Од секој дел направете кора, тегнете со помош на масло. По кората наредете ги сливите и ренданото чоколадо, па виткајте како ролна. Од секој дел може да направите две штрудли.
Печете на 190 степени околу еден час. Откако ќе се олади, посипете со шеќер во прав, исечете и послужете.