Здрав оброк за љубителите на лосос.
Потребни состојки за 4 лица:
- 50 мл маслиново масло
- сок од 2 лимони
- 1 чешне лук
- 1 кафена лажичка оригано
- пиперка
- 100 г фета
- 5 чери домати
- 6 исчистени зелени маслинки
- половина краставица
- 1 кафена лажичка копар
- 1 лимон
- 1 кромид
- 4 филети лосос
- 2 лажички сув зачин
Начин на подготовка:
Во поголем сад направете го преливот така што измешајте маслиново масло, сок од лимон, столчен лук, оригано, малку бибер, фета исечкана на коцки, домати исечкани на ситни парчиња, исечкани маслинки, краставица исечкана на коцки и копар.
Оставете така постои во фрижидер.
Во сад за печење наредете ги ситно исечканите парчиња лимон и кромидот, исечкан на тенки прстени.
Врз тоа ставете ги филетите од лосос. Посипете со зачини и бибер.
Печете ја рибата во рерна загреана на 190 степени околу 20 минути.
Филетите лосос послужете ги со кромид и лимон во комбинација со подготвениот прелив.
