Одличен предлог за ручек за кој се потребни само 15 минути. Во печурките додадете спанаќ и направете вкусно јадење.
Спанаќот можете да го послужите како прилог, да го додадете во пити, но и да направите едноставни јадења од него. Едно од нив е ова со печурки, а лутата пиперка додава пикантност. Многу лесно се подготвува - потребни се околу 15 минути, а вкусот е фантастичен. Доколку сакате јадења со спанаќ, нема да погрешите.
Потребни состојки:
- 300 гр спанаќ
- 300-400 гр печурки
- 4-5 чешниња лук
- 1 лута пиперка
- 2 лажици балсамико оцет
- 2 лажици путер
- сол
- бибер
Подготовка:
Во загреана тава растопете го путерот, кога ќе се растопи пропржете ги сечканите печурки додека малку не омекнат и да го испуштат нивниот сок. Додадете толчено лукче и рендана лута пиперка, па динстајте уште неколку минути. Зачинете со сол и бибер, а потоа истурете го балсамико оцетот. Потоа промешајте, па се додадете го измиениот спанаќ. Гответе само неколку минути (околу 5) и тргнете го од шпоретот. Бон апетит!
