Овој рецепт лесно се подготвува а јадењето е готово за најмногу еден час. Превкусно свинско месо со неодолив вкус на смокви за необична и посебна арома.
Потребни состојки:
- 1 кг свински шницли
- 200 гр сланина
- 200 гр суви смокви
- 200 гр кашкавал
- сенф
- сол
Подготовка:
Свинските шницли истенчете ги со толчник за месо, посолете ги, премачкајте ги со сенф, па посипете ги со сечканите смокви и ренданиот кашкавал. Секоја шницла завиткајте ја во сланина, ставете ги во плех на кој претходно сте ставиле хартија за печење и печете на 220°C околу половина час, но повремено вртете ги за убаво да се заруменат од двете страни.