Калчолигашот Интер го бара на позајмица фудбалерот на Арсенал Месут Озил.
Германецот со турско потекло не игра како што се очекува од него, па „топџиите“ сакаат да се ослободат од него, а таква шанса за тоа е Интер.
Сепак „нероазурите“ се подготвени да му исплаќаат само пола од неговата плата.
Озил има актуелен договор со Арсенал според кој заработува 350.000 евра неделно и токму висината на платата е најголемиот проблем при преговорите со други клубови.
Останува да се почека одговорот на Арсенал, дали ќе го има Озил на резервната клупа во своите редови за 1,5 милиони евра месечно, или ќе го пушти да игра во Интер и при тоа ќе му плаќа „субвенција“ половина од оваа сума.