Не само на Блискиот Исток, Американците се мешале директно или индиректно и низ Латинска Америка.
Речиси и нема земја каде Американците не пикнале раце. Настрана воена интервенција. Најмногу воено интервенирале на Куба, дури пет пати и тоа во 1906, 1953, 1959, 1961 и 1989 година. Го нападнале и Хаити, двапати во 1991 и 1994. Исто толку и во Доминиканската Република (1961 и 1965), Никарагва (1979 и 1981), како и трипати Панама (1903, 1941 и 1989).
Нивната поддршка овозможила два државни удари во Мексико (1910 и 1913), по еден во Костарика (1948), Гватемала (1954), Ел Салвадор (1979), а најсвеж е примерот со државниот удар во Хондурас кој се случи во 2009 година каде, погодувате, дојде на власт проамериканска влада. Тоа е за земјите од Средна Америка каде единствено (сѐ уште) не замешале прсти во Белиз, не рачунајќи ги островските земји.
Одејќи подолу, во Јужна Америка, овозможиле државен удар во Бразил (1964), Уругвај (1973), Аргентина (1976), Перу (1963 и 1990), Чиле (1964 и 1973) и Парагвај (1954 и 1989).
Американците никогаш не признале, но ним им се припишуваат државните удари во Венецуела (2002 и 2019) и во Боливија (1971 и 2019). Токму во овие две земји се и последните американски мешања, двете во 2019 година.
