Ако сте интровертни, некои ситуации претставуваат голем предизвик за вас, па дури и извор на стрес.
Овие ситуации интровертните луѓе можат да ги доживеат прилично стресно:
1.Да се во центарот на внимание
Интровертните луѓе не сакаат да бидат експонирани кога ќе постигнат нешто големо, дури ни кога прославуваат родендени или други настани. Сето тоа за нив е стресно опкружување. Затоа, немојте да ги принудувате на експонирање.
2. Ненајавени гости
Не значи дека не сакаат гости, едноставно не сакаат некој ненајавен да им се појави на врата. Во тој случај интровертот нема време за подготовка за дружење, па нема да биде целосно присутен во разговорите и ќе биде под стрес во текот на посетата. Ако сакате да ги почитувате, договорете на време.
3. Дружење на настани
Забавите и поголемите настани се сами по себе прилично стресни, а ако бараат опуштени разговори интровертните луѓе нема да се снајдат баш најдобро, особено ако треба да разговараат со непознати луѓе.
Најчесто ќе ги препознаете како седат сами на маса или нервозно се шетаат напред-назад.
Од друга страна, сакаат да водат длабоки разговори. Ќе ве поттикнат да гледате на работите поинаку, да размислувате за животот и слично.
4. Јавен настап
Без разлика дали станува збор за неформален говор пред група луѓе или обраќање на некој настан пред гости, сето тоа им внесува немир. Ако веќе мораат да одржат говор пред публика, тие на тоа се подготвуваат многу порано и веројатно тоа им е тешко.
Од друга страна, разговорот во мала група е многу квалитетен и интересен.
