Сè попопуларно е исфрлањето на глутенот од исхраната, но луѓето не се свесни дека со овој чекор си го загрозуваат сопственото здравје.
Глутенот е протеин кој се наоѓа во пченицата и други сродни житарки, а блага интолеранција на оваа супстанца имаат многумина. Во најголем дел случаи се работи за толку блага интолеранција, што е дури и неприметлива, но постојат случаи на сериозна интолеранција како што е Целијакијата, вид на автоимуно пореметување.
Во случаи на дијагностицирана интолеранција на глутен, позната како Целијакија или Целијачна болест, намирниците кои го содржат овој протеин се исфрлаат од исхраната, а тоа се прави исклучиво со препорака и надзор на лекар. Сепак, во последниве години, сè повеќе луѓе одлучуваат да го исфрлат глутенот од нивната исхрана, бидејќи тоа стана некако модерно, или, пак, сметаат дека тоа ќе им помогне да ослабат.
Сепак, она што не го знаат е дека исфрлањето на глутенот од исхраната без медицинска причина всушност има многу лошо влијание врз организмот.
Ако престанете да внесувате глутен, може да се појави недостаток на некои важни хранливи материи како резултат на лоша апсорпција на витамини и минерали, како што се калциум, фолати, железо, витамин Д. Во случај тоа да трае подолг временски период, може да дојде до проблем со апсорпцијата на јаглените хидрати и маснотиите, што доведува до слабеење.
Од друга страна, некои можат да да се здебелат. Едно истражување од 2010 година покажа дека исхраната без глутен им помага на луѓето кои имаат Целијачна болест да ја нормализираат телесната тежина, односно на оние кои имаат прекумерна тежина да ослабат, и на оние кои се премногу слаби за да добијат тежина.
Но, сè зависи од тоа која храна без глутен ја јадете, затоа немојте да мислите дека само исфрлањето на глутен (без медицинска причина) може да ви помогне да ослабете.
Исфрлањето на овој протеин од вашата исхрана значи дека веќе не јадете производи од цели зрна, кои обично имаат најмногу хранливи влакна. А бидејќи храната без глутен не содржи толку многу влакна, може да се појави запек.
Во случаи кога глутенот се исфрла од исхраната, а нема интолеранција на овој протеин, може да се појави недостаток на витамин Б, железо и други макронутриенти кои обично се наоѓаат во житарките.
Безглутенската исхрана во случаи кога е медицински оправдана не е опасна затоа што се спроведува под надзор и според препораките на експертите, кои знаат која храна треба да се јаде повеќе за да се избегне недостаток на важни хранливи материи и витамини во телото. Од друга страна, кога ќе го направите тоа сами, лесно можете да си создадете проблем кој лошо ќе се одрази врз варењето и здравјето.
