Кошарка

Историски пресврт на Кливленд во Индијанаполис

21. април 2017 - 11:06 | Макфакс

Кошаркарите на Кливленд, изминатата ноќ испишаа историја во НБА лигата, откако победија кај Индијана, иако во еден момент беа во негатива од 26 поени. Леброн Џејмс со трипл-дабл го предводеше тимот до третата победа во четвртфиналната серија против Индијана.

Кливленд, изминатата ноќ, успеа да оствари нешто што претходно не го направил ниту еден тим во историјата на НБА лигата, победи на гостински терен иако во еден момент заостануваше 26 поени.

Кливленд победи во Индијанаполис со 119:114. Леброн Џејмс забележа трипл-дабл (41 поен, 13 скокови, 12 асистенции). Џејмс го запиша 17-от трипл-дабл во кариерата, кога се работи за плајофот и на вечната листа се израмни со Меџик Џонсон.

Џејмс постигна 28 поени во второто полувреме, тој беше толку доминантен на теренот што во последната четвртина на клупата ги остави Кајри Ирвинг и Кевин Лав.

Индијана ја пропушти последната шанса да направи изненадување во првото плејоф коло. Пејсерси беа предводени од пол Џорџ (36 поени, 15 скокови, 9 асистенции).

Четвртиот натпревар се игра во недела, а домаќин повторно ќе биде Индијана.

На другите два натпревари: Милвоки го декласира Торонто 104:77 и во серијата води со 2-1, додека Мемфис го победи Сан Антонио 105:94 и го намали резултатот на 2-1. 

Коментирај