Сè поголем број мажи доживуваат опаѓање на косата, а новото истражување докажа дека прекумерното консумирање на засладени пијалаци е поврзано со ќелавоста кај машките.
Истражувањето го спроведоа научници од Универзитетот Цинхуа во Пекинг, а резултатите беа објавени на 1 јануари во стручното списание Nutrients. Ќелавоста е речиси 30 пати почеста кај мажите кои секој ден пијат по еден газиран пијалак, сок или премногу засладено кафе или чај.
Оние кои консумираат повеќе од еден засладен пијалак дневно имаат 42% поголеми шанси да доживеат губење на косата отколку оние кои не пијат пијалаци со шеќер.
Се разбира, зашеќерените пијалаци не се единствените фактори за губењето на косата. Менталното здравје и генетиката исто така играат значајна улога, но треба да внимавате на исхраната. Намалете ја пржената храна и вклучете повеќе зеленчук во вашите оброци.
За потсетување, Меѓународното здружение за истражување на матични клетки во Лос Анџелес во 2019 година изјави дека во иднина природна коса ќе се добива од матични клетки.
„Ова е вистински напредок во развојот на клеточни терапии против опаѓањето на косата и во областа на регенеративната медицина“, изјави тогаш докторот Алексеј Терских.