Вирусните инфекции, како што е обичната настинка, влијаат на нервниот систем што може да има сериозни последици и влијание врз развојот на невродегенеративните болести, како што се деменција или Алцхајмер.
Американски научници ги анализирале медицинските податоци на над 400 илјади луѓе во Обединетото Кралство и Финска и откриле корелација помеѓу вирусните инфекции и развојот на невродегенеративните болести.
„Научниците со години бараа врска помеѓу единечното невродегенеративнои портеметување и специфичен вирус“, вели Мајкл Налс, неврогенетичар од Националниот институт за стареење во САД.
Додаде и дека научниците сега преминале на друг пристап кој се базира на податоци и наука.
„Користејќи ги медицинските досиеја, можевме со еден потег систематски да ги бараме сите можни врски“, рече тој.
Во првата фаза, истражувачите ги проучувале медицинските досиеја на речиси 300 илјади луѓе зачувани во националната база на податоци на Финска.
Тие барале луѓе кои имаат една од следните дијагнози - Алцхајмерова болест, мултипна или амиотрофична латерална склероза, генерализирана или васкуларна деменција или Паркинсонова болест.
Потоа, тимот проверил дали пациентите со овие дијагнози претходно биле хоспитализирани поради вирусна инфекција, освен во случај на инфекција со коронавирусот.
Првично, откриле 45 корелации помеѓу дијагнозата и вирусната инфекција.
Во Британија ги анализирале податоците на околу 96.000 луѓе, од кои 20.000 имале невродегенеративни нарушувања.
Студијата покажала дека деменцијата најчесто е резултат на вирусна инфекција - особено вирусен енцефалитис, вирусни брадавици, сите видови на грип и вирусна пневмонија.
Најсилната корелација е пронајдена помеѓу енцефалитисот и Алцхајмеровата болест.
Пациентите на кои им била дијагностицирана оваа вирусна болест имале 31 пати поголема веројатност подоцна во животот да развијат Алцхајмерова болест.
Исто така, научниците процениле дека јачината на врската помеѓу вирусот и болеста се менува со текот на времето, односно една, 5 и 15 години по инфекцијата.
На невродегенеративните болести им треба долго време за да се развијат, а врската би се очекувала да биде посилна по 15 години.
Сепак, се покажа дека најголемиот ризик бил во рок од една година од инфекцијата со вирусот, а потоа ризикот се намалувал со текот на времето.
„Сепак, фактот што најчесто користените вакцини го намалуваат ризикот или сериозноста на многу од вирусните заболувања забележани во оваа студија, ја зголемува можноста ризиците од невродегенеративни нарушувања да се ублажат“, вели д-р Налс.
Невродегенеративните нарушувања оштетуваат различни делови на нервниот систем. Најчесто се јавува во зрелоста или староста и предизвикува проблеми со дејствата или функциите како што се размислувањето, меморијата и движењето.
Минатата година, тим од научници спроведе студија која анализираше околу 10 милиони медицински досиеја и откри корелација помеѓу вирусот Епштајн-Бар и ризикот од мултиплекс склероза.
Иако оваа студија не ги идентификува причинско-последичните врски кои водат до невролошки нарушувања, таа обезбедува рамка за приближните граници на идните истражувања.