Италија се закани дека ќе ја тужи фармацевтската компанија Pfizer поради доцнење на испораката на вакцините против COVID-19.
– За заштитата на италијанските граѓани не може да се преговара, истакна специјалниот комесар за пандемијата Доменико Аркури.
Тој истакна дека разговарал со министрите и со регионалните лидери и оти е донесена одлука да се преземе акција следните дена.
Вакцината против COVID-19 на Pfizer/BioNtech кон крајот на декември беше одобрена од Европска Унија, но американската компанија минатата недела соопшти дека ќе ги одложи испораките во следните три до четири седмици поради промени во работниот процес во Белгија. Следниот ден компанијата соопшти дека ја ограничува испораката за една недела.
Аркури истакна дека неделава не се доставени 29 проценти од ветените дози вакцини. Во Италија над 1,2 милиони луѓе се инфицирани со COVID-19, а повеќе од 83.000 починале од последици од вирусот.