Капитенот на Фиорентина и репрезентативец на Италија Давиде Астори, почина на 31 година.
Клубот ја потврди веста за прераната смрт на 31-годишниот фудбалер, по „кратко и ненадејно боледување“.
Фиорентина требаше денеска да игра против Удинезе во рамките на Серија А, но средбата беше откажана по соопштувањето на веста.
Астори дојде во редовите на Фиорентина во 2016 година од Калјари и имаше 58 настапи за клубот.
Калјари исто така го откажаа денешниот натпревар против Џенова.
„Клубот Фиорентина е длабоко потресен од смртта на капитенот Давиде Астори, по ненадејното и кратко боледување. Со оглед на ужасната и деликатна ситуација, ве молиме сите да покажеме чувствителност, пред сѐ од почит кон неговото семејство“, објави клубот на Twitter.
Астори играше за подмладокот на Милан пред да се приклучи на Калјари во 2008 година.
Осум години играше за Калјари, со повремени позајмувања во Рома и Фиорентина, пред да потпише за Фиорентина пред две години.
