Кристијано Роналдо има 39 години и сѐ уште игра на високо ниво и покажува каква физичка машина е, но една од неговите последни објави ги загрижи фановите.
Имено, Роналдо по последниот меч на Ал Наср против Ал Ахли (1:0) на стори објави фотографија од луксузно саудиско одморалиште, а изгледот на стапалата на Португалецот ги шокираше сите.
На фотографијата каде Роналдо лежи на нозе со апарати за забрзување на закрепнувањето, може да се забележи дека неговите стапала се многу отечени, што ги загрижи навивачите на стартот на репрезентативната пауза.
Очигледно е дека на телото на Роналдо му е сѐ потешко и потешко да ги издржи напорите, што е логично ако се земе предвид дека тој влегува во самракот на кариерата, а отечените стапала се резултат на постојаниот напор што го трпат додека Португалецот се приближува кон својата петта деценија од животот.
Инаку, странските медиуми пишуваат дека Роналдо ја објавил фотографијата од луксузно саудиско одморалиште каде една ноќ чини близу 1.000 евра.
„Гледај му ги стапалата човече, замисли ја болката секој ден“, коментира еден навивач, додека друг додал: „22 години професионален фудбал го тера човекот да гледа во своите нозе... Сигурно секој ден се буди со луда болка“.
За време на репрезентативната пауза Роналдо ќе одигра пријателски натпревар против Словенија, кој е закажан за 26 март во Љубљана. Пет дена претходно на домашен терен Португалија ќе се сретне со Шведска.
