Џенифер Лопез го откри својот изглед од втората венчавка со Бен Афлек, која се одржа викендов во Џорџија, а магазинот Vogue објави и фотографија од нејзината венчаница.
Ѕвездата од филмот „Marry Me“ синоќа сподели први снимки од нејзиниот свадбен изглед на својот Instagram профил. Во крупен кадар од невестински гламур, лицето на Лопез е покриено со проѕирен превез од тул.
Под превезот се гледа свечената шминка на пејачката која потсетува на нејзиниот препознатлив светкав изглед, но е малку подигната.
„Прв поглед на мојот невестински изглед“, напиша актерката под фотографијата со линк до веб-страницата од нејзиниот билтен OnTheJlo.com.
Потоа магазинот Vogue објави фотографија на која може да се види целиот изглед на невестата.
На црно-белата фотографија се гледа како Лопез позира во венчаницата на Ralph Lauren и држи бидермаер.
Откако се венчаа на интимна церемонија во Лас Вегас минатиот месец, младенците ја прославија својата венчавка за време на викендот на имотот на Афлек на островот Хемптон, каде што разменија завети за време на 45-минутна церемонија пред 135 пријатели и семејството.
Потоа Vogue објави уште четири фотографии од Џенифер во својата венчаница.
