Изложба на грчкиот фотограф Вретакос за Вевчанскиот карневал

В сабота во 19 часот во Галерија „Рудиќ“ во Скопје ќе се отвори изложба на фотографии на Александрос Вретакос под името „Вевчански бајки и кошмари“.

Александрос Вретакос е грчки фотограф од Кожани кој го снима карневалот во Вевчани во последните 8 години. Тој кажува за тоа што го инспирирало и мотивирало толку пати да се врати на истото место:

„Барајќи на интернет пред осум години интересни фото дестинации на Балканот со карневалска тема, наидов на селото Вевчани. Оттогаш, секоја година го фотографирам континуирано. Од првата година ги запознав нејзините жители и со некои од нив станавме одлични пријатели. Бев многу импресиониран од гостопримството на жителите, и од нивната приемчивост и отворени врати насекаде“, вели Вретакос.

„Карневалот, кој се одржува секоја година во средината на јануари, традиционално се поврзува со почетокот на новата година и прославата на Дедо Мраз. Овој локален обичај ја покажува големата љубов на мештаните кон нивното село. Како и оправдана гордост што 'модерните години' не успеале да ги променат и да ги оттргнат од корените. Тоа е место кое се спротивставува на промените бидејќи е самодоволно. Голема предност за нашето време. Од првиот ден бев импресиониран од масовното учество на жителите на нивниот традиционален карневал. Традицијата вели дека мора да направат свои маски кои ќе ги запалат на крајот на карневалот и ќе се ослободат од своите улоги“.

„Традиционален карактер на карневалот и неговата автентичност ме маѓепсаа. Се обидов да се инфилтрирам фотографски и да ги тргнам моите кадри подалеку од воспоставената парада на карневалски веселби по главната улица. Инсистирав да ги изолирам маскираните луѓе на моите фотографии, обидувајќи се да ја репродуцирам атмосферата на мистерии и енигми што ги сретнав околу мене. Многу посетители мислат дека сè започнува и завршува со парадата. Наместо тоа, сè започнува многу порано и завршува во попладневните часови наредниот ден. Некои од моите ноќни фотографии не прикажуваат карневали, туку само рурални куќи. Ги ставив во истиот проект затоа што мислам дека ја имаат оваа заканувачка карневалска атмосфера. Конечно, верувам дека за да се ужива во карневалот во Вевчани, треба да се прифати неговото претерување и да се почитува неговата историја“.

Александрос Вретакос, започнал интензивно да се занимава со фотографија за време на студиите во Нови Сад, како член, во тоа време, на еден од најзначајните југословенски фото-клубови Бранко Бајиќ. Таа југословенска школа на фотографија сè уште се отсликува на неговите фотографии. Неговата фотографија се карактеризира со различни теми и техники што ги користи. Во повеќето негови проекти се открива надреалистичко расположение.

Имал 60 самостојни изложби и три последователни учества со изложби на Фото биеналето во Музејот на фотографија во Солун.

реклама

Како правилно се чисти чергичето пред врата?

Read more

Лекар советува каков чај да пиете за намалување на крвниот притисок

Read more

Скопје за време на Прва светска војна

Read more

3 едноставни чекори како да ослабите 10 килограми

Read more

Култура

Драмскиот театар Скопје гостува на фестивалот РУТА во Сараево

Read more

Биљана Стојановска ќе ја промовира третата книга поезија „Додека спиеш“

Read more

На сцената на Националната опера и Балет ќе гостува Словенечкиот камерен музички театар од Љубљана

Read more

Фрагментирана интроспекција – изложба на скулптури на Слободан Милошевски во Неготино

Read more
 

Вести

Земјотрес рано утринава ја погоди Грција

Читај повеќе

Како Косово ќе го реши проблемот на Данска со преполните затвори?

Читај повеќе

Што сака Путин на Балтикот?

Читај повеќе

Сончево и топло време, попладне појава на краткотраен пороен дожд и грмежи

Читај повеќе

Вучиќ: Вечерва ставив крај на кариерата

Читај повеќе

Рекорден скок на акциите на Nvidia, производителот на чипови за вештачка интелигенција

Читај повеќе

Генералното собрание на ОН ја усвои Резолуцијата за геноцидот во Сребреница

Читај повеќе

Драмскиот театар Скопје гостува на фестивалот РУТА во Сараево

Читај повеќе

И Русија е за независна Палестина

Читај повеќе