Откако беа извлечени осминафиналните двојки за Лигата на шампионите, УЕФА ја направи и жрепката за второто по ранг европско клупско натпреварување, Лига Европа, каде фортуната даде неколку интересни дуели.
Од сите дуели се издвојува двобојот на Барселона со Манчестер Јунајтед. Првите испаднати од елитата, а вторите завршија на второто место во својата група, па фортуната прерано ги спои.
Екипите кои беа победници на групите во Лига Европа ќе бидат слободни во првата нокаут рунда, наречена плеј-оф, и ќе се приклучат од осминафиналето.
Првиот извлечен пар е апсолутно спектакуларен и достоен за финале од Лигата на шампиони, што овие екипи и имаат меѓусебно одиграно низ историјата. Ќе се сретнат Барселона и Манчестер Јунајтед, два тима кои спаѓаат во редот на најсилните европски клубови. Тоа ќе биде и дуел на великаните Роберт Левандовски и Кристијано Роналдо, нор,ално, доколку Португалецот не го напушти Манчестер во зимскиот преоден рок, како што се најавува.
Добро мина Јувентус кој ќе игра против француски Нант, додека Рома и Жозе Мурињо ќе одат во Австрија на дуел со Салцбург.
Извлечените двојки:
Барселона - Манчестер Јунајтед
Шахтар - Рен
Јувентус - Нант
Ајакс - Унион Берлин
Спортинг - Митјиланд
Баер Леверекузен - Монако
Севиља - ПСВ
Салцбург - Рома
Првите натпревари ќе се играат на 16 февруари, додека реваншите се закажани една недела подоцна, на 23. Тимовите кои ќе победат во двобоите ќе се изборат за осминафинале против првопласираните екипи од групната фаза. Осминафиналето ќе почне на 9 март.