Најтешко минаа „Кралевите“ и „Граѓаните“ кои ќе играат едни против други, а се чини најлесна задача доби Јувентус.
Осминафиналната жрепка за Лигата на шампиони мина без многу тешки парови. Челси сезонава игра далеку под очекувањата па затоа осминафиналната пресметка со Баерн е далеку од дерби.
Затоа пак дербито ќе се игра во Мадрид и во Манчестер бидејќи жребот ги состави Реал и Сити.
Претендентот за прва титула, францускиот шампиопн ПСЖ ја доби за противник екипата на Борусија од Дортмунд.
Еден аутсајдер има загарнтирано место во четвртфиналето бидејќи жрепката сакаше уште во првата рунда од нокаут-фазата да се сретнат дебитантот Аталанта и тимот на Валенсија.
Веројатно најлесно мина италијанскиот гигант Јувентус кој ќе игра против Лион, екипа која ја мина групата, но во Франција разочарува.
Барселона го доби расштиманиот Наполи, бранителот Ливерпул ќе го напаѓа Атлетико на Диего Симеоне, а изненадувањето Лајпциг ќе оди на Жозе Мурињо и Тотенхем.
Борусија (Д) - ПСЖ
Реал Мадрид - Манчестер Сити
Аталанта - Валенсија
Атлетико - Ливерпул
Челси - Баерн
Лион - Јувентус
Тотенхем - Лајпциг
Наполи - Барселона
Првите натпревари ќе се играат на 18 и 19 февруари, наредните на 25 и 26, додека реваншите се закажани за 10, 11, 17 и 18 март наредната година.
