Откако ѝ раскинал дечкото, Сијан Рајан добила мотивација да ослаби и од корен да го смени својот живот.
26-годишната Рајан успеала да ослаби 45 килограми, а денес е инспирација за милиони луѓе кои ѝ се восхитуваат на храброста и упорноста.
Потсетувајќи се како почнала нејзината трансформација, Рајан раскажува дека по раскинувањето на 1,5-годишната врска решила да си го земе животот во вои раце и да почне да работи на себе.
„Тогаш имав 120 килограми и почнав да одам во теретана што работи 24 часа дневно. На почеток тренирав ноќе бидејќи не сакав никој да ме види. Ми требаше нешто да ме извлече од дома“, вели таа.
Почнала со кардио вежби и за кратко време се префрлила на тегови бидејќи така добивала најдобри резултати.
„Кревањето тегови целосно го промени целиот процес. Се заљубив во тие вежби. Самата помисла дека станувам посилна ми го зголемуваше доброто расположение. Се фокусирав на тоа да станам посилна наместо послаба“, вели Рајан.
Килограмите брзо почнале да се топат, а таа нагласува дека го сменила и начинот на исхрана покрај редовната физичка активност. Направила баланс на протеините, мастите и јаглехидратите што ги внесува, а најважно од сѐ ѝ било да јаде умерено.
„Повеќе тежина изгубив кога внесував по 2.000 калории отколку кога јадев двојно помалку. Кога билдате мускули, се забрзува метаболизмот, што значи дека трошите повеќе калории во текот на денот и можете да јадете повеќе.“
Во рок од две години успеала да ослаби 45 килограми и денес носи шест броеви помала облека. Моментално работи како личен тренер и секојдневно споделува мотивациони пораки со нејзините следбеници на социјалните мрежи.
„Немојте да губите мотивација зошто денот не ви бил 100% здрав. Сите мои лоши денови ги изградиле добрите денови“, е една од нејзините пораки.