Кошаркарот на Денвер Нагетс, Никола Јокиќ, втора година по ред е прогласен за МВП во НБА лигата, објавено е на официјалниот сајт на лигата.
Центарот од Сомбор доби 875 поени на гласање на кое учествуваа 100 спортски новинари. Џоел Ембиид заврши втор со 706 гласа, трет е Јанис Адетокумбо со 595 гласа. Девин Букер беше четврти со 216 поени, а дефанзивецот на Далас Лука Дончиќ беше петти со 146 поени.
Јокиќ го посетија неговите колеги од Денвер Нагетс во Сомбор. Го изненадија, а тој дојде на коњска кочија. Тој доби честитки за второто по ред МВП признание. Денвер, инаку, испадна од НБА плеј-офот уште во првото коло. Голден Стејт го победи во пет натпревари.
Статистиката на Јокиќ оваа сезона е уште подобра од минатата. Во регуларниот дел од сезоната имаше просек од 27,1 поен, 13,8 скока и 7,9 асистенции. Тој, исто така, стана првиот играч во историјата на НБА лигата кој постигнал 2.000 поени во истата сезона, забележал 1.000 скока и споделил 500 асистенции.
Јокиќ сам го носеше Денвер бидејќи неговите најдобри соиграчи Џамал Мареј и Мајкл Портер Јуниор поради повреди го пропуштија поголемиот дел од сезоната. И покрај ова, Нагетс успеаја да влезат во плеј-офот. На крајот од сезоната, додека Нагетс се обидуваа да стигнат до плејофот, Јокиќ во последните седум натпревари од регуларниот дел од сезоната имаше просек од 36 поени и 16 скока.
Јокиќ стана 13-тиот играч во историјата на лигата кој неколку пати ја освојувал наградата МВП. Интересно е што и Гркот Адетокумбо двапати по ред е прогласен за МВП. Ова е првпат во историјата првите тројца кандидати за МВП наградата да не доаѓаат од САД.
Јокиќ стана вториот европски играч кој двапати бил прогласен за најдобар играч во НБА лигата. Србинот во изминатата регуларна сезона по четврти пат играше на Ол-стар натпреварот во кариерата, а вторпат беше стартер. Двапати беше прогласен за играч на месецот во Западната конференција.
