Полуфиналната жрепка избегна градски дуели на лондонски екипи и оние од Манчестер, но затоа даде две меѓуградски пресметки.
Двата полуфинални дуели ќе се играат на неутрален терен, на познатиот „Вембли“ во Лондон. Синоќешната жрепка одлучи Манчестер Јунајтед да игра против Челси, додека Арсенал против Манчестер Сити.
Првата пресметка ќе биде на 18 јули помеѓу „Црвените ѓаволи“ и „Сините“, додека „Топчиите“ и „Граѓаните“ ќе се пресметаат ден подоцна. Времето на почеток на двата натпревара допрва ќе биде потврдено, а веројатно тоа ќе биде 15 часот по британско време, односно 16 по македонско.
Финалето е закажано за 1 август, исто така на „Вембли“.
Арсенал има најмногу трофеи во ова натпреварување, дури 13 и тоа еден повеќе од Мначестер Јунајтед. Трет е Челси со 8 титули, додека Манчестер Сити има 6.
