Јувентус официјално го претстави младиот и талентиран фудбалер, Пабло Морено, кој пристигна од Барселона во трансфер вреден само 700 илјади евра.
Станува збор за 16-годишен играч, кој во школата на Барселона пристигна пред шест години.
Од тогаш, тој постигна повеќе од 200 погодоци за младите селекции на Барселона и со тоа го сруши рекордот на Лионел Меси.
Тој успеа да се наметне како еден од најпрепознатливите фудбалски имиња, кога станува збор за младите играчи на Барселона, а во Ла Масија пристигна од Гранада.
Покрај тоа што Морено е ѕвезда помеѓу помладите генерации во еден од најголемите светски клубови, тој е и редовен член во првиот тим на репрезентацијата на Шпанија до 16 години.
„Бјанконерите“ на својот официјален сајт го потврдија трансферот на Морено.
Меѓутоа, Шпанецот ќе биде испратен во Примавера, помладиот тим на Јуве, екипа преку која во идеален случај еден ден би требало да го облече дресот на првиот тим на Старата Дама.