Жрепката за четвртата сезона на Лигата на нации е денеска од 18:00 часот, а никаде нема најава за директен пренос.
Навивачите на македонската фудбалска репрезентација повторно ќе останат без директен пренос од настан што сакаат да го гледаат. Овој пат не се работи за натпревар, туку за жрепка. Вечерва Македонија ќе ги дознае противниците во новата сезона на Лигата на нации на УЕФА, а црвено-жолтите навивачи ќе мораат да гледаат на стримови.
МРТ, иако има и спортски канал (МРТ3), за денешниот ден нема никаков пренос од спортски настан. Барем така вели преограмата која самите ја објавија:
Хрватскиот SportKlub, кој се пренесува кај нас, објави дека ги има правата за преносите на натпреварите на Лигата на нации од септември, но ниту во нивната програма, на сите десетина канали, нема најава за пренос од жребувањето.
Ниту во програмата на ArenaSport нема ништо поврзано со Лигата на нации и денешното одредување на групите.
ФФМ само објави дека жрепката е денеска, без воопшто да спомене има или нема пренос.
Решение?
Со оглед на ваквиот развој на настаните, единствено решение е стримот на официјалната веб-страница на УЕФА. Барем тој никогаш не н разочарал кога станува збор за жрепки.
Стримот на УЕФА ќе биде објавен тука.
Потсетување дека Лигата на нации има 4 лиги (А, Б, Ц и Д), а Македонија се натпреварува во Лига Ц.