Сезоната на јагоди е во полн ек, а љубителите на ова вкусно овошје особено со нетрпение го очекуваа.
За да ги изберете најквалитетните јагоди кои се од регионов, треба да знаете неколку трикови при нивното купување.
Јагодите се одглудаат кај нас и во другите земји на балканот, но во супермаркетите има и доста кои се увезени од егзотични земји. Таквите имаат повеќе пестициди, но таат повеќе токму поради тоа. Балканските јагоди се поздрави и посвежи, но побрзо се распаѓаат бидејќи имаат помалку пестициди. Имаат иста боја однадвор и внатре, имаат многу семки и се многу мали. Ова ги разликува од „егзотичните“, каде што семките се помали и поретки.
Вистинските, висококвалитетни балкански јагоди се издвојуваат и по својата интензивна и препознатлива арома. Никогаш не се со ист облик и големина и немаат ист вкус од сите страни, бидејќи сончевите зраци не паѓаат рамномерно врз плодот.
Познавачите велат дека треба да се внимава и на стеблата - на „егзотичните“ е крупно, совршено обликувано и темнозелено, додека на балканските е побледо бидејќи поодамна се набрани.
Со оглед на тоа што балканските јагоди побрзо ја губат свежината и стануваат меки, добро е да го знаете трикот како да ги одржувате свежи долго време:
Добро измијте ги јагодите и ставете ги во стаклена тегла со хартиена крпа на дното. Со текот на времето салфетката ќе го собере вишокот на влага, поради што јагодите ќе останат свежи и нема да омекнат.