Новите мајки треба да си дадат време за да ја вратат посакуваната тежина. Сосема е во ред овој период да трае помеѓу шест до девет месеци.
На вашето тело му е потребно време за да се опорави од бременоста, така што не треба веднаш да почнете со диета. Меѓутоа, може да почнете со внимавање на исхраната, а дури по неколку седмици да започнете со практикување на лесни вежби.
Како да го изгубите вишокот килограми?
Најпрво, внимавајте на вашата исхрана и пијте вода. Овие навики ќе ви ја дадат енергијата која ви е потребна по доаѓањето на детето.
Не избегнувајте го појадокот, јадете најмалку пет порции дневно кои ќе бидат богати со овошје и зеленчук. Намалете го внесот на калоричната храна, колачиња и газирани пијалоци.
Кои вежби да ги практикувате на почетокот?
Може да почнете со пешачење. За посериозни вежби, почекајте да поминат барем шест недели од породувањето.
Зошто е важно да ослабете по породувањето?
Особено е важно да го изгубите вишокот на килограми доколку сакате да имате повеќе деца. Со зголемување на индексот на телесната маса помеѓу двете бремености, имате ризик од појава на прекумерна дебелина. Тоа го зголемува ризикот за вас и вашето бебе во наредната бременост.
За колку време ќе ја вратите посакуваната форма на телото?
Вашето тело можеби нема да изгледа сосема исто дури и откако ќе ослабете. Но, дајте си време за да ја вратите посакуваната тежина. Овој период може да трае од 6 до 9 месеци.
Доколку сметате дека ви е потребно повеќе време, не се обесхрабрувајте. Поставете си цел и трудете се да ја остварите посакуваната намера и ќе постигнете резултати.
