Градоначалникот на Денвер упати апел жителите да останат дома за Денот на благодарноста, а веднаш потоа се качи на авион за да присуствува на семејна прослава.
Мајкл Хенкок даде вистински пример како не треба да се однесува еден градоначалник. Откако јавно апелираше до жителите на Денвер да не се собираат за прослава на Денот на благодарноста, за да не се шири коронавирусот, самиот постапи токму спротивно на тоа што го побара.
„Организирајте виртуелни собиранки наместо да се собирате за вечера. Избегнувајте да патувате. Купувајте онлајн“, се дел од пораките кои тој ги напиша воочи празникот, за потоа да се качи на авиот и да летне на семејна прослава.
Само половина час откако твитна, Хенкок се качил на авион и заминал за Мисисипи за со својата фамилија да го прослави истиот празник. Таквиот потег на градоначалникот предизвика лавина од негативни реакции кај Американците, за потоа бадијала да се извинува и сано повеќе да ги разлути гневните граѓани кои останале дома слушајќи ги неговите апели.
„Очигледно мојот потег разочара многумина кои веруваа дека е подобро Денот на благодарноста да се мине сам. Како јавен функционер чие однесување со право се става на тапет поради примерот кој го дава, им се извинувам на жителите на Денвер кои мојот потег го гледаат контрадикторен со апелот да се остане дома освен за неизбежни патувања“.
Тоа не ги смири стратсите бидејќи жителите на Денвер го обвинија дека е хипокрит кој на нив им наметнува правила кои самиот не сака да ги следи.
Но, Хенкок продолжи да се правда, па очигледно ова ќе му биде последен мандат како градоначалник, бидејќи против народот не се оди.
„Она што не го кажав, а требаше, е дека мојата сопруга и ќерка се во Мисисипи каде ќерка ми скоро се вработи. Како што се наближуваше празникот, одлучив дека ќе биде побезбедно јас да отпатувам кај нив наместо тие две да дојдат во Денвер“, твитна тој.
Додатно, тој на вработените во градските установи и поставил и услов дека доколку отпатувата, по враќањето ќе мора да бидат ставени во карантин. Затоа со право сите се прашуваат дали Хенкок ќе биде ставен во карантин кога ќе се врати во Денвер?