Потпретседателот на Јувентус, Павел Недвед, реагираше бурно по испаѓањето на торинскиот клуб во осминафиналето од Лигата на шампиони од Порто, а камерите го забележаа моментот кога Чехот „пукна“.
Јуве ги стави сите свои надежи за спас на сезоната на мечот со Португалците, затоа што сериозно заостанува зад Интер во домашниот шампионат, но дури и победа од 3:2 по продолженијата не беше доволна.
Порто беше подобар со 2:1 на првиот натпревар и отиде понатаму поради гол во гости.
Фудбалерите на Јувентус беа многу разочарани, што можеше да се види на теренот, а испаѓањето тешко му падна на Недвед. Толку многу што не можеше да се воздржи и од бес шутна една од рекламите што го оградуваат теренот.
Најголемиот италијански клуб за утеха останува со финалето во Купот против Аталанта, како и со 13 натпревари во Серија А каде ќе се обидат да направат чудо и на крајот да стигнат до десеттата последователна титула.
