Новиот Megane E-Tech Electric штотуку освои 5 ѕвезди во тестирањето на Euro NCAP според протоколот од 2022 година.
Новиот Megane е оценет со 85% за заштита на возрасни и 88% за заштита на деца благодарение на конструкцијата која обезбедува исклучителна заштита и дури седум воздушни перничиња. Во категоријата заштита на чувствителни учесници во сообраќајот постигна оценка од 65%, а во категоријата системи за помош при возење 79%.
Покрај елементите оценети од Euro NCAP, како дел од стратегијата за бескомпромисна безбедност, новиот Megane E-Tech Electric се потпира и на иновацијата Innovation for Firefighters, која е резултат на повеќе од 10 години соработка помеѓу Renault Group и француските пожарникари.
На шофершајбната на новата Megana E-Tech Electric има и налепница со QR код. Наменет е за спасувачките служби кои при интервенцијата можат да го скенираат и многу брзо да заклучат дека се работи за електрично возило. Исто така, им дава пристап до информации за конструкцијата на автомобилот (на пример, информации за локацијата на батеријата и воздушните перничиња, места за брзо и безбедно сечење) - што може да го намали времето потребно за извлекување на жртвата од несреќата за дури 15 минути.
Пристапот за пожарникарите и QR кодот се дел од мерките кои обезбедуваат оптимална безбедност за корисниците на возилата на Renault. Општо земено, грижата за безбедноста на учесниците во сообраќајот и вработените на работното место е еден од трите критериуми (вклучувајќи ја еколошката транзиција и инклузивност) на Политиката за одржлив развој (ООП) на Renault Group имплементирана во рамките на стратегијата на Renault.