Колку би бил поинаков светот кога мажите би можеле да раѓаат?
Иако никогаш нема да го дознаеме одговорот на тоа прашање, некои мажи решија да направат тест за да откријат колкава болка чувствува жената кога има менструација. Видеото е смешно, но и едукативно, а со повеќе од 1,4 милиони прегледи на TikTok стана вирално.
Симулаторите за менструални болки се во суштина исти како симулаторите на породилни болки. Беа користени машини TENS кои се дизајнирани да ја ублажуваат болката. Но, кога тие се интензивираат, може да предизвикаат интензивна, исцрпувачка непријатност.
Групата зазеде научен пристап кон експериментот со жена како контролен субјект. На почетокот на видеото, таа го прикачува симулаторот на абдоминалниот дел кај јајниците и го врти до десет, највисоката поставка. Сите присутни се импресионирани бидејќи жената не покажува никакви знаци на непријатност.
Мажите не поминаа толку добро
„Така ли треба да боли?“, праша еден од мажите кои го пробаа симулаторот, пред да прсне во нервозна смеа. Друг рече дека чувствувал болка сè до чашките на колената.
Во еден дел од видеото можете да видите како симулаторот е поврзан и на маж, и на жена во исто време. Додека уредот е вклучен, може да се види мажот како трпи силни болки, додека жената стои во место, тврдејќи дека сензацијата што ја создава апаратот не е воопшто страшна како вистинските менструални грчеви. „Да, грчевите ме болат полошо од ова“, додаде таа.
@benztraphouse The boys tried a period simulator #fyp #foryou #foryoupage #funny #periodcramps #periodsimulator #viral ♬ original sound - Benz Trap House
Во коментарите жените покажаа колку им значи ова видео.
„Секој месец, пријателе", напиша една жена по име Кристал.
Еден од најпопуларните коментари беше од Кендис, која напиша: „Убедена сум дека ако мажите можеа да забременат, би имале клиники за абортус на секој агол и платено породилно отсуство за целата бременост“.
Друга истакна дека жените мораат да го поминат целиот ден трпејќи ги овие болки без пауза.
„И да не ги забораваме главоболките. И менструацијата. И надуеноса. И чувство на исцеденост. И гадењето“.
