Португалецот летово направи трансфер од Реал Мадрид во Јувентус, со што покажа дека иако е длабоко навлезен во четвртата деценија од животот, сепак нема намера да застане. Тој и понатаму доминира и го предводи неговиот нов тим до победи.
Долготрајниот успех на Кристијано Роналдо не е случаен. Напротив, тој постојано потенцира дека секојдневно работи на себе не само за да се задржи во форма, туку и да ја подобри неговите квалитети.
Иако сега има 34 години, Роналдо и понатаму тренира како и првиот ден, со што само ја покажува неговата професионалност. Тренизните резултираат во одлична форма и тој веќе успеа да постигне 15 гола во Серија А.
Португалецот тренира и кога е на одмор. За него не постои целосно слободен ден бидејќи знае дека ако се опушти – тогаш конкуренцијата полесно ќе го стигне. За неговата посветеност на тренинзите говори и приказната на неговиот братучед Нуно Ривеирос, кој раскажува за деновите на Роналдо додека тој уште беше во дресот на Манчестер Јунајтед.
„Знаете ли што направи по финалето од ЛШ во 2008? Отиде да тренира. Отиде да направи тренинг еден ден откако стана европски шампион. Наместо да слави заедно со неговите соиграчи, тој на 23-годишна возраст реши да работи на себе. Тоа е Роналдо, вистинскиот син на Мадеира“, вели Вивеирос.
Португалецот постојано ги воодушевува дури и најдобрите кондициони тренери, кои упорно потенцираат колку е тој напреден во однос на сите останати фудбалери. Кога ги поминуваше медицинските прегледи во Јувентус, докторите рекоа дека тој има тело на 22-годишник и најниско ниво на маст во крвта од сите фудбалери кои ги тестирале досега.
