Официјално уште сме во пандемија, но тоа веќе не ги спречува луѓето да патуваат, за работа или за задоволство.
Сепак, поседувањето ковид сертификат со кој ќе потврдите дека сте вакцинирани против COVID-19 е една од опциите за влез во странски земји, а и таму ве чекаат различни правила за посета на ресторани, знаменитости и други објекти од затворен тип.
Од строг локдаун до живот без мерки: Каква е ковид ситуацијата низ Европа?
Прочитајте подолу како се користат ковид сертификатите во некои европски земји.
Словенија
Словенија во моментов се влошува епидемиолошката ситуација. Целата земја е обоена во темноцрвена боја, а ковид сертификатите се потребни за речиси сè, од одење на работа до јавен превоз, посета на фризер и трговски центри. Најавени се и многу построги контроли.
Германија
Иако веќе извесно време најавуваат олабавување на навистина ригорозните мерки, ќе го задржат т.н. Правило 3G, кое гласи: сите луѓе во затворен простор мора да бидат вакцинирани, прележани или тестирани.
Пред неколку дена, Германија издаде нова листа на земји со висок епидемиолошки ризик, што значи дека луѓето кои не се вакцинирани или не го прележале коронавирусот ќе мора да одат во десетдневна самоизолација по нивното пристигнување од овие земји. Самоизолацијата може да се прекине само по пет дена со прикажување негативен тест или потврда за вакцинација.
Австрија
Австрија ќе ги заостри мерките во зависност од бројките. Поточно, доколку на одделенијата за интензивна нега има повеќе од 600 лица, движењето на невакцинираните ќе биде значително ограничено. Од 1 ноември вработените ќе можат да одат на работа само со ковид потврда. Од почетокот на сезоната ќе биде неопходно да се поседува ковид сертификат и за влез во ски-центрите и за угостителските објекти.
Италија
На 15 октомври, Италија воведе задолжителни ковид сертификати за сите вработени, без разлика дали се во јавниот или приватниот сектор. Не може да се влезе ни во ресторани, ни во продавници или трговски центри без сертификат.
Србија
Србија, која моментално бележи повеќе од 8.000 заразени дневно и повеќе од 50 мртви дневно, воведе и ковид потврди кои се потребни за влез во угостителски објекти и тоа дури после 22 часот.