Поранешниот тренер на Арсенал и актуелен шеф на глобалниот фудбалски развој на ФИФА, Арсен Венгер, го посочи офсајдот како главен проблем со ВАР и смета дека ситуацијата мора да се подобри.
Тој веќе некое време зборува за ова, а сега ФИФА е блиску до воведување голема промена во играта.
„Луѓето најмногу го критикуваат ВАР поради правилото за офсајд. Имавме офсајди доделени поради дел од сантиметар или буквално поради носот. Мораме брзо да ја промениме ситуацијата. Има простор за промена на правилата. Не можеме да земеме предвид дека дел од носот на играчот е во недозволена положба, па играчот да е во недозволена позиција бидејќи може да постигне гол со нос“, рече Венгер и додаде:
„Мој предлог е играчот да не е во офсајд доколку некој дел од неговото тело со кој може да постигне гол е во линија со последниот играч од противничката одбрана, дури и ако остатокот од телото на напаѓачот е пред одбранбениот играч“.
ФИФА е подготвена да ја прифати идејата. Играчот ќе биде во дозволена ситуација ако е макар и со мал дел од телото зад последниот дефанзивец во фазата на напад. Имплементацијата на новото правило ќе има пробен период. Прво ќе се применува на натпреварите пониските лиги во Шведска, а потоа и во Холандија и Италија.
Венгер се надеваше дека идејата што ја предложи во 2021 година ќе оживее порано и ќе се примени веќе на натпреварите на Светското првенство во Катар, но сега е сè поблиску до тоа да ја види својата идеја на дело.
