Филм & ТВ

Камерон откри зошто чекаме толку долго за новите делови на „Avatar“

22. ноември 2017 - 17:07 | К.З.

Изгледа дека режисерот Џејмс Камерон троши повеќе време зборувајќи за новите делови од „Avatar“ франшизата, отколку што троши за правење на истите.

Сепак, режисерот сака да ги направи новите продолженија на „Avatar“ подеднакво технички импресивни како оригиналниот филм.

Џејмс Камерон сака луѓето да го гледаат новиот „Avatar“ во 3Д технологија, но без 3Д очила. Вели дека заедно со неговиот тим работеле на технологија која им одземала година и пол, која е „досега невидена во филмскиот свет“.

„Снимаме под вода. Сите акциони и CGI сцени ќе бидат снимени под вода, користејќи ја оваа нова технологија која дозволува да го следиме движењето на актерите, што прави сликата да изгледа поубаво и помазно“, рече Камерон во интервјуто за Collider.

Тој вели дека ќе бидат потребни стотици камери за да може оваа технологија да се пренесе на филмското платно, но дека тоа не го загрижува, бидејќи имаат доволно буџет за ваков подвиг.

„Процесот е многу тежок бидејќи кога снимате под вода, самата вода дава ‘ефект на огледало’ и е исклучително тешко да се фати кадар каков што сакате. Фактички, кога ќе додадете вода на некој проблем, тој веднаш станува потежок. Но, вложивме многу енергија, технологија и труд во ова и сега конечно знаеме како ќе го снимиме филмот“, додаде тој.

Првото од четирите продолженија е закажано за премиера на 18 декември 2020 година.

Коментирај