За крилото на мадридски Атлетико, Јаник Караско, продолжувањето на сезоната во Шпанија пред празни трибини ќе биде навистина чудно.
„Ќе биде малку чудно да се игра пред празни трибини, но ние сме професионалци и ќе направиме најдобро што можеме за навивачите да гледаат убав натпревар на ТВ“, вели Јаник.
Караско зимава се врати во Атлетико како позајмен од кинескиот клуб Далијан Профешонал и одгра 5 натпревари пред да настапи локдаунот.
„Среќен сум што ги гледам сите и што можам да тренирам со останатите. Тимот е добро. Работевме напорно подготвувајќи се за првиот натпревар. Сѐ е подготвено за да влеземе во натпреварот во добра форма“, вели тој.
Првиот предизвик за тимот на Белгиецот е дербито во имењакот од Билбао и тоа на гости на 14 јуни.
Прекината во март поради поради пандемијата со коронавирусот, Ла Лига ќе продолжи на 11 јуни со дербито Севиљано помеѓу Севиља и Бетис.