Сменетиот каталонски лидер Карлес Пучдемон ѝ се предал на полицијата во Брисел, пренесуваат белгиските медиуми.
Поединечни шпански медиуми пренесуваат дека заедно со него во полициската станица во Брисел се предале уште и четири поранешни министри.
Белгиското Државно обвинителство најави порано денеска дека обвинителот во 14 часот ќе се изјасни во врска со европскиот налог за апсење на сменетиот претседател на каталонската влада Карлес Пучдемон и четирите негови поранешни министри.
Од оваа институција од порано соопштија дека го разгледуваат налогот за апсење на Пучдемон, кој беше издаден од страна на шпанските власти.
Сменетиот каталонски лидер Карлес Пучдемон изјави вчера дека е подготвен да соработува со белгиските власти, откако Шпанија побарала Европски налог за апсење, меѓутоа тој не открил каде моментално се наоѓа.
