Претседателот на Комитетот за одбрана Андреј Картаполов жестоко го нападна руското Министерство за одбрана.
Тој побара јавно да се објават повистинити информации за ситуацијата на фронтот.
„Русите треба да добијат повеќе информации за тоа што всушност се случува на првите борбени линии на воената операција на Москва во Украина“, рече генерал-полковникот, додавајќи дека министерството треба да престане да ги крие информациите од граѓаните.
Тој го повика и министерството да престане со лаги: „Нема повеќе лаги. Веќе разговаравме за ова“.
Тој отиде дотаму што рече дека извештаите на Советското информативно биро за време на првите месеци од нацистичката инвазија на СССР во 1941 година биле многу поинформативни од овие денес.
„Во секој извештај велеа дека некаде се повлекуваме, некаде тврдоглаво ги одбиваме нападите на надреден непријател, некаде сме ги напуштиле населените места“, рече Картаполов, чии зборови беа објавени на Telegram.
„Извештаите на Министерството за одбрана практично не ја менуваат нивната содржина“, истакна Картаполов, предупредувајќи дека Русите „не се глупави“ и дека гледаат дека не им се дозволува ниту трошка од вистината.
