Нов хаос пред почетокот на Мундијалот...
Скандал пред почетокот на Мундијалот - се бара целосна забрана за продажба на алкохол на стадионите за време на претстојното првенство. Светското првенство започнува за два дена (од 20 ноември до 18 декември), а сега се појавија нови информации кои може да имаат големи последици и за ФИФА.
Според странските медиуми, се појавиле нови проблеми кои ќе ги разочараат сите оние кои планираат да дојдат и да ги бодрат своите репрезентации.
„Катарското кралско семејство бара целосна забрана за продажба на алкохол на стадионите за време на Светското првенство“, се наведува во текстовите.
Budweiser е американска компанија која произведува пиво и тие се едни од главните спонзори на Светското првенство. Познато е дека консумирањето и продажбата на алкохол е забрането во Катар, но поради Светското првенство направија одредени отстапки. Се чини дека дојде до пресврт и промена на мислењето непосредно пред почетокот на натпреварувањето. Цената на пивото требаше да се движи од 10 до 20 евра за чаша.