Вкупно 27 лица од италијанскиот клуб излегле позитивни на тестирањета од кои дури 21 се фудбалери.
По Џеноа, короната со голем замав го нападна и второлигашот Реџана. Вкупно 27 лица се позитивни од кои 21 фудбалер и 6 членови на стручниот штаб. Досега тоа е најголема бројка на позитивни во еден клуб во Калчото, надминувајќи ја и Џеноа на Горан Пандев каде неодамна имаше вкупно 22 (17 играчи и 5 тренери).
Меѓу позитивните е и стратегот Масимилијано Алвини, како и неговиот прв помошник Монтањоло.
Со оглед на тоа што наездата на позитивни почна од средата, натпреварот на Реџана против Читадела, закажан за изминатиов викенд, беше одложен. Но, наредниот викенд нема да може по вторпат да одложат натпревар, па според правилата ќе мора да состават тим со останатите играчи плус оние од младинскиот тим. Тоа значи дека Салернитана би требало да има лесна задача в сабота.
Тимот од Реџо Емилија сезонава се натпреварува во Серија Би првпат по сезоната 1998/99 кога испадна. Претходно беше дел и од Серија А.