Повеќе од дваесет години откако почна да го игра ликот на Вулверин во франшизата X-Men, Хју Џекман конечно го облече легендарниот жолт костим по кој Вулверин е познат во стриповите.
Џекман и Рајан Рејнолдс во Story објави на Instagram ги споделија првите фотографии од снимањето на Deadpool 3, на кои можеме да ги видиме во суперхеројските костими.
Иако жолтиот костим на Вулверин е омилен меѓу обожавателите на франшизата, досега не сме имале шанса да го видиме на големото платно, а во некои адаптации стана предмет на потсмев. На пример, во филмот X-Men од 2000 година, Вулверин го критикува црниот кожен костим што му го додели тимот на X-Men, на што Киклоп, кој го игра Џејмс Марсден, возвраќа: „Што би сакал, жолт спандекс?“
Ралф Винтер, еден од продуцентите на X-Men, во 2020 година изјави дека разбира дека обожавателите го сакаат жолтиот костим, но дека се обиделе да ги доближат филмовите до пошироката публика, поради што се одлучиле за понеутрален, црн кожен костим во филмот, пишува The Hollywood Reporter.
Сепак, обожавателите на франшизата на Twitter се одушевени од најновиот костим на Вулверин.
„Добро, сакам да го гледам овој филм веднаш“, „Го сакам овој костим“, „Сигурно е пресмешно ако Џекман реши да се врати по Logan“, „Се чини премногу добро за да биде вистина“, се само некои од коментарите.
Deadpool 3, во режија на Шон Леви, може да се пофали со импресивна актерска екипа, вклучувајќи ги Метју Мекфадиен од Succession, Ема Корин од The Crown и Џенифер Гарнер, која се враќа како Електра по дваесет години. Филмот, за кој се шпекулира дека ќе содржи мултиверзум, ќе се појави во кината на 3 мај 2024 година.
