Ерлинг Холанд во својата прва сезона за Манчестер Сити одигра 53 натпревари и преку своите настапи за новиот тим постигна 52 гола и запиша девет асистенции.
Со своите голови му помогна на Сити да ги освои титулите во Лигата на шампионите, Премиер лигата и ФА Купот. И покрај договорот кој го обврзува до летото 2027 година, Сити брза да ја продолжи соработката со него.
Освојувачот на тројната круна на Холанд ќе му овозможи подобри услови од сегашните, според кои заработува околу 460.000 евра неделно, но со тоа и задава удар на амбициите на Реал Мадрид, кој се надева дека 23-годишниот Норвежанец може да оди на Сантијаго Бернабеу.
Холанд пристигна во Сити минатата сезона откако англискиот клуб ја активираше клаузулата во неговиот договор со Борусија Дортмунд и го донесе во трансфер вреден 60 милиони евра. Заинтересиран беше и Реал, како што е заинтересиран за доведување на Килијан Мбапе.
Доаѓањето на Холанд во Реал изгледаше сигурно пред една година, но тој го избра Сити убеден дека тешко ќе добие шанса со легендарниот Карим Бензема и очекуваното доведување на Килјан Мбапе.
Бензема си замина, Мбапе сè уште не пристигнал и Сити се свесни дека би можеле да останат без Холанд доколку не ја зголемат клаузулата во неговиот договор според која тој може да го напушти клубот пред крајот на договорената и потпишана соработка. Таа клаузула ќе биде зголемена во анексот што ќе го потпише при продолжувањето на договорот.
Холанд постигна осум гола на седум првенствени натпревари оваа сезона.