По 34 години емитување и повеќе од 750 епизоди од анимираната серија „Симпсонови“ (The Simpsons), има значителна промена кога станува збор за ликот на Хомер.
Хомер, кој важи за патријархален татко, во една од епизодите на 35-та сезона признава дека времињата се промениле и дека повеќе нема да го дави син му Барт.
Една од најчестите ситуации, во која Хомер вика и го гуши своето најстаро дете, стискајќи му го вратот толку силно што Барт го плази јазикот, заминува во минатото.
Новото издание на една од најпознатите анимирани серии ја покажа својата подготвеност да продолжи да се движи во согласност со културата што го опкружува, а Хомер повеќе нема да биде насилен татко.
И покрај тоа што е една од најпрепознатливите карактеристики на динамиката татко-син на Хомер и Барт, заплетот честопати беше критикуван поради неговата бруталност.
Меѓутоа, во третата епизода насловена „McMansion & Wife“, Хомер изјавува дека го променил своето однесување кога тој и неговата сопруга Марџ го посетуваат нивниот нов сосед, Тајер. Кога Хомер се претставува и се ракува, новиот лик забележува колку е цврст стисокот на Хомер.
„Гледаш, Марџ, се исплатеше што го давев детето. Само се шегувам, веќе не го правам тоа. Времињата се сменија“, рекол тој.
Епизодата првпат се емитуваше на 22 октомври, но гледачите почнаа да разговараат за оваа сцена дури неколку дена подоцна. Повеќето обожаватели со ентузијазам ја прифатија промената на ликот. Инаку, последен пат Хомер беше прикажан како го дави Барт во 31-та сезона, која се емитуваше во 2019 и 2020 година.
