На почетокот на снимањето, оригиналниот филм од серијалот John Wick, филмот имал сосема друго име.
Но „благодарение“ на слабата меморија на холивудскиот љубимец Кијану Ривс, филмот бил преименуван.
Дерек Колстад, кој го напиша оригиналниот „John Wick“, како и двете продолженија „John Wick: Chapter 2“ и „John Wick: Chapter 3 – Parabellum“, во интервју за Comicbook.com откри дека Ривс постојано погрешно го кажувал оригиналното име на филмот кога давал изјави. Филмот требало да се вика „Scorn“.
„Тоа е единствената причина зошто филмот се вика John Wick“, рече тој. „Само бидејќи Кијану постојано го викаше John Wick.“
„Од маркетинг рекоа дека тоа се веќе 4 до 5 милиони долари во бесплатна реклама, па филмот го нарековме John Wick наместо Scorn“, додава Колстад.
Тој исто така рече дека промената на името се покажала како добар потег – сега и филмот и ликот Џон Вик се составен дел од поп-културата.
