Кинески научници објавија дека прв пат после 300 обиди успеале да клонираат мајмуни.
Двата мајмуни се први примати кои се клонирани со истa техника, со која своевремено била клонирана и овцата Доли.
Иако со оваа постапка можноста дека еден ден ќе бидат клонирани и луѓе, се чини се поблиска, кинеските научници предупредуваат дека нема валидни причини за такво нешто.
Покрај тоа, како што нагласуваат тие, претходно би морале да се одговори на етички и правни прашања, пренесува „Independent“.
Сепак, техниката ќе им овозможи на истражувачите да создадат лабораторија полна со генетски идентични мајмуни, што би наишло на голема примена во научните и медицинските истражувања.
„Тие ќе бидат од корист не само во медицински цели, за истражување на генетски болести, туку и за рак, автоимуни болести или метаболички нарушувања“, вели Чанг Сун од кинескиот Институт за неврологија.
Клонираните мајмуни се родени пред осум и шест недели во една лабораторија во Кина.
