Киш лорен е некој вид на пита, а се прави од состојки кои сите ги сакаат. Пробајте го овој рецепт со спанаќ и печурки.
Рецептот за киш лорен ни доаѓа од Франција и е всушсност солена пита која се прави од печиво со кора, со фил од сланина, шунка, павлака и јајца. Ова се основните состојки за оваа популарна пита, а денес постојат милион различни рецепти, па во филот можете да додадете состојки по ваша желба.
Ние предлагаме да го пробате рецептот за киш лорен со спанаќ и печурки, за кој сигурни сме дека ќе ви се допадне.
Потребни состојки:
- 6 јајца
- ½ лажичка пипер
- ½ лажичка лук во прав
- ½ лажичка кромид во прав
- ½ лажичка сув магдонос
- 125 мл павлака за готвење
- 100 гр моцарела
- 500 гр лиснато тесто
за филот:
- 200 гр печурки
- ½ кромид
- 3 грста беби спанаќ
- 1 лажичка лук
- 1 лажичка мелена пипер
- 2 лажици путер
- 2 гранчиња мајчина душица
- сол
- бибер
Подготовка:
Во тавче растопете го путерот, па додадете го исечканиот кромид. Кога ќе омекне, додадете ги сечканите печурки, а по неколку минути и толчен лук, мајчина душица и мелена пипер. Добро измешајте, па посолете и побиберете. Додадете го спанаќот и сè убаво измешајте. Оставете го на шпорет неколку минути, па тргнете го на страна.
Изматете ги јајцата со павлаката за готвење, па додадете рендана моцарела. Потоа додадете ги зачините и сè добро измешајте.
Развлечете го лиснатото тесто, па убаво притиснете го во калапот. Истурете го едниот, па другиот фил и печете во загреана рерна на 180°C околу 20-25 минути.
