Најновите истражувања во сексологијата се насочиле кон откривање на најдобриот месец, ден и време за водење љубов. Lovehoney анкетирале 2.000 луѓе и добиле интересни податоци.
Според испитаниците идеалниот датум и време за секс поминал пред неколки денови: сабота, 1 јули, 19:37 часот, но како дошле до овој резултат?
Lovehoney велат дека јули е најсекси месец во годината бидејќи секој носи помалку облека и времето е жешко, а 44% од испитаниците велат дека сабота е најдобар ден за секс бидејќи не мора да се грижат дали се на работа наредниот ден.
Според испитаниците, саботата е најдобар ден за секс, а потоа следат недела, петок, среда, четврток, вторник и најнепопуларниот понеделник. Секоја прва сабота во месецот е денот кога мнозинството испитаници биле најзагреани за секс.
Јули води, па следат август, јуни, мај, декември, фебруари, септември, април, октомври, март, јануари и месецот на сексуална суша ноември.
Податоците за времето немаат никакво логично објаснување и се добиени со проста статистичка математика.
