Доколку сте вработени, или пак посетувате некаква настава, многу е важно да станете рано наутро и да се разбудите одморени. Но, дали постои идеално време во кое треба да заспиете за да си го олесните будењето?
Веројатно имате слушнато за РЕМ циклуси, но досега не знаевте да објасните што точно значи тоа.
Циклусите на спиење се случуваат кога поминуваме низ различни фази во сонот, почнувајќи од лесен сон (1) до многу длабок сон (2), и на крајот РЕМ циклусот, кога најчесто сонуваме.
Затоа, ако се разбудиме за време на РЕМ циклусот, или тој биде прекинат од надворешна бучва, аларм или слично, ќе направи да се чувствуваме иритирано или пак едноставно нема да имаме пријатно будење и целиот ден ќе се чувствуваме изморени.
Баш поради тоа, треба да го погодите вистинскиот тајминг на легнување. Така, на пример, ако треба да станете во 7 часот наутро, идеалните времиња за легнување се 21:46, 23:16, 00:46 или 2:16.
Како е ова пресметано?
Според науката, ни требаат околу 14 минути за да заспиеме, а секој од циклусите на спиење трае по 90 минути. Така што, овие времиња на легнување ви даваат шанси да се синхронизирате со алармот наутро, со што ќе го избегнете нарушувањето на РЕМ циклусот и непријатното будење.
Доколку имате различно време на будење, можете да го пресметате идеалното време на легнување со истата математичка пресметка од погоре.